پسپۆڕێکی نەخۆشییەکانی خوێن و شێرپەنجەی خوێن دەڵێت، ئەو کەسانەی کە فاتەڕەشەیان ئەستوور بووە دەکرێن بە دوو بەش كە یەكێك لەوانە بریتییە لەو کەسانەی کە فاتە ڕەشەیان ئەستوور بووە و هیچ ئازارێکی نییە و کاریگەری لەسەر جەستەی چارەخوازەکە درووست نەکرودوە بەڵکو لەکاتی ئەنجامدانی پشکنینیتر دەرکەوتوە کە سپڵی ئەستوور بووە چارەسەر بۆ ئەو کەسانە تەنها چاودێریە لەلایەن دکتۆری پسپۆڕەوە.

دكتۆرهاوار غەریب پسپۆڕی نەخۆشییەکانی خوێن و شێرپەنجەی خوێن لە نووسینێكدا ئاماژە بە نەخۆشی ئەستور بوونی سپڵ (فاتە ڕەشە) و نیشانەكانی دەكات .

دەقی نووسینەكەی :-

ئەو کەسانەی کە فاتەڕەشەیان ئەستور بووە دەکرێن بە دوو بەش كە ئەمانەن:-

یەكەم– ئەو کەسانەی کە فاتە ڕەشەیان ئەستوور بووە و هیچ ئازارێکی نییە و کاریگەری لەسەر جەستەی چارەخوازەکە درووست نەکرودوە بەڵکو لەکاتی ئەنجامدانی پشکنینیتر دەرکەوتوە کە سپڵی ئەستور بووە چارەسەر بۆ ئەو کەسانە تەنها چاودێریە لەلایەن دکتۆری پسپۆڕەوە.

دووەم-  جۆری دووەمی ئەو کەسانەی کە تووشی ئەستووربوونی فاتە ڕەشە بوون و کاریگەری لەسەر جەستەیان درووست دەكات و پزیشکی پسۆڕ نەگەیشتووەتە ئەنجام کە هۆکاری ئەستووربوونەکە چیە بۆیە پێویست دەکا بە نەشتەرگەری ئەو فاتە ڕەشيیە لاببرێت.