ئەنجوومەنی باڵای دادوەریی عێراق بڵاویکردەوە، لە مانگی تشرینی یەکەمی ئەمساڵدا ٣٤ هه‌زار و ٩٥١ گرێبەستی هاوسەرگیری لە عێراق تۆمار کراوە، دەشڵێن، لە هەمان مانگدا شەش هەزار و ٦٩٦ حاڵەتی جیابوونەوەی هاوسەران تۆماركراوە.

به‌پێى ئامارەکانی ئەنجوومەنی باڵای دادوەریی عێراق، لە مانگی تشرینی یەکەمی ئەمساڵدا ٣٤ هه‌زار و ٩٥١ گرێبەستی هاوسەرگیری لە عێراق تۆماركراوە.

ئاماژەی بەوەشکردووە، ژمارەی جیابوونەوەی هاوسەران لە هەمان مانگدا گەشتووەتە شەش هەزار و ٦٩٦ حاڵەت.

دەشڵین، لە مانگی ئەیلوولی ئه‌مساڵدا لە عێراق پێنج هەزار و ٤٦٢ حاڵەتی جیابوونەوە تۆمار کراوە کە هەزار و ٥٠٨ حاڵەتی جیابوونەوە بە بڕیاری دادوەری بووە، ٦٩٨ جیابوونەوەش لەدەرەوەی دادگەکان بووە.

باس لەوەشكراوە، زۆرینەی جیابوونەوەکان لە سەرۆکایەتیی دادگای تێهەڵچوونەوەی کەرخ بووە و ئاماره‌كانیش ته‌نها هى عێراق بووه‌ و هه‌رێمى كوردستانى تێدا نییه‌.