وەزارەتى پلاندانانى عێراق دەڵێت، 14ـى کانوونى یەکەمی 2024 دوا رۆژى قۆناغى کۆتایی سەرژمێریى گشتیى دانیشتووانە، راگەیاندنى وردەکاریی ئەنجامی سەرژمێرییەکەش دەکەوێتە ساڵى داهاتوو.
عەبدولزەهرە هنداوى، وتەبێژى وەزارەتى پلاندانانى عێراق بەمیدیاکانی راگەیاند، قۆناغى سێیەمى سەرژمێریى گشتیى دانیشتووان تایبەت بوو بە وەرگرتنى زانیارى و وردەکاریى دۆخى خێزانەکان.
عەبدولزەهرە هینداوى وتى: “لە مانگى شوباتى ساڵى داهاتوو، ئەنجامى کۆتایی سەرژمێریى گشتیى دانیشتووان بە فەرمى بڵاودەکرێتەوە”.
سەرژمێریى گشتیى دانیشتووان لە عێراق و هەرێمى کوردستان لە 20ـى تشرینى دووەم دەستیپێکرد، دواتر قۆناغی وەرگرتنى زانیاریى وردەکاری لە خێزانەکان دەستپێکرد.
25ـى تشرینى دووەمى 2024، ئەنجامى بەرایی سەرژمێریى گشتیى دانیشتووان لە عێراق راگەیێندرا، بەپێی ئەنجامەکە، ژمارەى دانیشتووانى عێراق 45.4 ملیۆن کەس بوو، 6.3 ملیۆنیان دانیشتووى هەرێمى کوردستان بوون.
Leave a Comment
Your email address will not be published. Required fields are marked with *