بەهۆی تەواو نەبونی نیسابی یاسایی دانشیتنی ئەمڕۆی پەرلەمانی عێراق دواخرا بۆ ڕۆژی شەممە و ئەندامی پەرلەمانیش دەڵێت، “وەک فراکسیۆنە کوردییەکان بایکۆتی جەلسەی ئەمڕۆمان کردو نیسابمان شکاند، بەوەش دانیشتنەكە بۆ شەممە دواخرا”.

د.بڕیار ڕەشید، ئەندامی ئەنجومەنی نوێنەرانی عێراق ئەمڕۆ پێنجشەممە بە ٧ڕۆژی ڕاگەیاند، “وەک فراکسیۆنە کوردییەکان بایکۆتی کۆبوونەوەی ئەمڕۆمان کردو نیسابمان شکاند، چونکە خوێندنەوەی دوەم بۆ هەمواری یاسای بودجە لە بەرنامەی کار لادرابوو”.

ئاماژەی بەوەشكرد، بایكۆتی فراكسیۆنە كوردستانیەكان بوە هۆی تەواو نەبونی نیساب، بەوەش دانیشتنەكە هەڵگیرا و دواخرا بۆ ڕۆژی شەممە.

ئەوە لەكاتێكدایە دوێنی بەشی ڕاگەیاندنی پەرلەمان ڕایگەیاند، دانیشتنەکان لە ڕۆژانی داهاتودا بە شێوەیەکی ڕۆژانە بەردەوام دەبن بۆ پەسەندکردنی ئەو یاسایانەی کە لە کارنامەی ئەنجومەنەکەدا هاتوە.