پسپۆڕێکی نەخۆشییەکانى چاو دەڵێت، بەرزبوونەوەی پەستانی چاو (گلوکۆما) حاڵەتێکە، کە تێیدا پەستانی چاو بەرزدەبێتەوە ئەمەش زیان بە دەماری بینین دەگەیەنێت، دەشڵێت، لە نیشانەکانى حاڵەتەکە ئەمانەن، ئازارێکى توندى چاو، بوونى سەرئێشە و کاڵبوونەوەى بینین.

دکتۆر دێرێ لەتیف پسپۆڕى نەخۆشییەکانى چاو لە نووسینێکدا ئاماژە بە نیشانەکانى بەرزبوونەوەى پەستانى چاو دەکات و دەقى نووسینەکەى بەمجۆرەیە:-

بەرزبوونەوەی پەستانی چاو (گلوکۆما) حاڵەتێکە، کە تێیدا پەستانی چاو بەرزدەبێتەوە ئەمەش زیان بە دەماری بینین دەگەیەنێت.

نیشانەکانی توشبوون بە نەخۆشییەکە ئەمانەن:-

یەکەم- ئازارێکی توندی چاو

دووەم- سەرئێشە

سێیەم- هێڵنجدان و ڕشانەوە

چوارەم- کاڵبوونەوەی بینین

پێنجەم- بینینی ڕووناکی و پەڵەی ڕۆشن

شەشەم- سووربوونەوەی چاو

حەوتەم- فراوانبوونی بلیبلەی چاو

هەشتەم- لەدەستدانی بینیین

نۆیەم-خوران و ناڕەحەتی چاو

پشکنینی بەردەوامی چاو بۆ زوو دەستنیشانکردن و بەڕێوەبردنی بەرزبوونەوەی پەستانی چاو زۆر گرنگە، چونکە زۆرجار بەبێ نیشانە گەشە دەکات و زیانێکی بەرچاو بە چاوەکان دەگەیێنێت و ڕەنگە ببێتە هۆی لەدەستدانی بینین.