پسپۆڕێکی نەخۆشییەکانى قوڕگ و گوێ و لوت دەڵێت، هەوکردنى لەوزەتێن چەند جۆرێکى هەیە لەوانەش هەوکردنى توندى لەوزەتێن، هەوکردنى دووبارەى لەوزەتێن، هەوکردنى بەردەوامى لەوزەتێن.

دکتۆر موئەیەد ئیسماعیل، پسپۆڕى نەخۆشییەکانى قوڕگ و گوێ و لوت لە نووسینێکدا ئاماژە بە جۆرەکانى لەوزەتێن دەکات و دەقەکەى بەمجۆرەیە:-

یەکەم- هەوکردنى توندى لەوزەتێن، نیشانەکانى دەمێنێتەوە لە نێوان سێ بۆ پێنج ڕۆژدا.

دووەم- هەوکردنى دووبارەى لەوزەتێن، نەخۆش لە سڵێکدا چەند جارێک توشى دەبێت.

سێیەم- هەوکردنى بەردەوامى لەوزەتێن، نەخۆشەکە نیشانەکانى بەردەوام دەبێت وەک هەوکردنى گەروو، لەوزەتێنەکان، بۆنى ناخۆشى دەم، ئاوسانى لیمفە گرێکانى مل.