٧ڕۆژ

دکتۆر عەلى عەبدول لەتیف دەڵێت، وەرەمى مێشك حاڵەتێكی ئاڵۆزە و چەند هۆکارێک هەیە بۆ توشبوون بەو نەخۆشییە لەوانەش بۆماوەیی، هۆکارە ژینگەییەکان، ماددە کیمیاییەکان، دەشڵێن، نەخۆشییەکە بە چەند ڕێگایەک چارەسەر دەکرێن لەوانەش نەشتەرگەری، چارەسەری تیشکی و چارەسەری کیمیایی، دەشێت بەسوود و کاریگەر بن لەم حاڵەتەدا.

دکتۆر عەلى عەبدول لەتیف، پسپۆڕی نەخۆشییەکانی مێشك و دەمار لە نووسینێکدا ئاماژە بە هۆکارەکانى توشبوون بە وەرەمى مێشک و ڕێگاکانى چارەسەرکردنى دەکات و دەقى نووسینەکەى بەمجۆرەیە:-

وەرەمى مێشك حاڵەتێكی ئاڵۆزە و چەند هۆکارێک هەیە بۆ توشبوون بەو نەخۆشییە لەوانەش:-

یەکەم- بۆماوەیی

دووەم- هۆکارە ژینگەییەکان

سییەم- ماددە کیمیایەکان

چوارەم- هەموویان دەتوانن ڕۆڵیان هەبێت لە گەشەکردنی وەرەمی میشك.

پێنجەم- دیاریکردنی هۆکارەکان نەك تەنها بۆ خۆپاراستن، بەڵکو بۆ ئاسانکردنی چارەسەرەکان و باشترکردنی دەرەنجامەکانیش زۆر گرنگە.

چارەسەرى نەخۆشییەکە چۆن دەکرێت؟

یەکەم- چارەسەرکردنەکان جیاوازن بەپێی هۆکارەکانی وەک جۆری وەرەم و قەبارە و شوێنی.

دووەم- نەشتەرگەری، چارەسەری تیشکی و چارەسەری کیمیایی، دەشێت بەسوود و کاریگەر بن لەم حاڵەتەدا.

بۆیە تکایە ئاگاداری تەندروستیتان بن و لەکاتی هەر نیشانەیەکی نەخوازرا و دەتوانن سەردانی پزیشکى پسپۆڕ بکەن.