دکتۆر فەرمان عوسمان دەڵێت، کۆمەڵێک خواردن زیانیان بۆ بەردى زراو هەیە لەوانەش خواردنی سورکراوە وەک پەتاتەی سورەکراو، باینجانی سورکراو، مریشکی سورکراو و ماسی سورکراو و شیری تەواو چەوری و بەرهەمەکانی وەک پەنیر، ماست، ساردەمەنی، محەلەبی و کاستەر.

دکتۆر فەرمان عوسمان، پسپۆڕی نەشتەرگەری گشتی لە نوسینێکدا ئاماژە بەو خواردنانە دەکات، کە دەبنە هۆى درووستبوونى بەردى زراو و دەقى نووسینەکەى بەمجۆرەیە:-

یەکەم– خواردنی سورکراوە وەک پەتاتەی سورەکراو، باینجانی سورکراو، مریشکی سورکراو و ماسی سورکراو.

دووەم– خواردنی موعالجەکراوی کارگەکان وەک چپس، پسکیت و شیرینی.

سێیەم– شیری تەواو چەوری و بەرهەمەکانی وەک پەنیر، ماست، ساردەمەنی، محەلەبی و کاستەر.

چوارەم– گۆشتی سور، بەجۆرێک باشتره ئەم جۆرانەى نەخورێن:-

پێنجەم- گۆشتی گوێرەکە، مانگا، مەڕ و فاست فود.

شەشەم- گۆشتی بەرهەمهێنراوی کارگەکان وەک بێرگەر، گۆشتی قوتو و ستیک.

حەوتەم– هێلکە بە تایبەت هێلکەو ڕۆن.

هەشتەم– خواردنەوە گازی و کحولیەکان و ئیشی هەویر.

نۆیەم– پەتاتەی کوڵاو، خواردنی ترش، ترشیات، عەمبە، زەیتون، سیری خۆشکراو له خوێدا.