دکتۆر هێمن مەحمود دەڵێت، کالیسیۆم سیترات و کالیسیۆم لاکتات لە هەر کاتێکی ڕۆژدا و پێش خواردن و دوای خواردنیش دەتوانرێت بخورێت، چونکە باشی هەڵدەمژرێن، دەشڵێت، ئەگەر کاربۆناتی کالیسیۆم بەکاردەهێنیت ئەوا پێویستە لەگەڵ خواردن یان ڕاستەوخۆ دوای خواردن بیخۆی باشترە.

دکتۆر هێمن مەحمود پسپۆڕى نەخۆشییەکانی جومگە و ئێسک و رۆماتیزم لە نووسینێکدا ئاماژە بەوە دەکات لە چى کاتێکدا پێویستە حەبی کالیسیۆم بخورێت و دەقى نووسینەکەى بەمجۆرەیە:-

سەرەتا پێویستە بزانی جۆری کالیسیۆمەکە چیە، کە وەرت گرتووە، بۆ نموونە چوار جۆر کالیسیۆم هەیە لە دەرمانخانەکاندا دەفرۆشێت ئەوانیش ئەمانەن:-

یەکەم- کالیسیۆم سیترات

دووەم- کالسیۆم لاکتات

سێیەم- کالسیۆم گلوکۆنات

چوارەم- کالیسیۆم کاربۆنات (هەرزانە و زۆرە لە بازار).

کالیسیۆم سیترات و کالیسیۆم لاکتات لە هەر کاتێکی ڕۆژدا و پێش خواردن و دوای خواردنیش دەتوانرێت بخورێت، چونکە باشی هەڵدەمژرێن.

بەڵام ئەگەر کاربۆناتی کالیسیۆم بەکاردەهێنیت (کە لە ئێستادا لە هەموو کالیسیۆمەکانی تر زیاتر دەفرۆشێت لە دەرمانخانەکاندا) ئەوا پێویستە لەگەڵ خواردن یان ڕاستەوخۆ دوای خواردن بیخۆی باشترە بۆ هەڵمژینی، چونکە هەڵمژینی خاوە لەچاو جۆرەکانی تری کالیسیۆم.