سەنتەرى میدیاى پزیشکى بڵاوى کردەوە، بەشێکی زۆری هاوڵاتییان تووشی ئازاری پشت یان سڕبوونی قاچەکان دەبن و لەوانەیە پێویستیان بە ئەنجامدانی ئێم ئاڕ ئای بڕبڕەی پشت هەبێت، دەشڵێن، لەکاتى بوونى ئازاری بەردەوام یان ئازاری توندی خوارەوەی پشت پێویستە پشکنینى ئێم ئاڕ ئای ئەنجام بدەن.

سەنتەرى میدیاى پزیشکى لەبارەى ئەوەى لە چى کاتێکدا پێویستە هاوڵاتییان پشکنینى ئێم ئاڕ ئای ئەنجام بدەن ڕاگەیەندراوێکى بڵاوکردەوە، کە دەقەکەى بەمجۆرەیە:-

بەشێکی زۆری هاوڵاتییان تووشی ئازاری پشت یان سڕبوونی قاچەکان دەبن و لەوانەیە پێویستیان بە ئەنجامدانی ئێم ئاڕ ئای بڕبڕەی پشت هەبێت.

لەوانەیە ئێم ئاڕ ئای بڕبڕەی پشت پێشنیار بکرێت بۆ دەستنیشانکردنی کێشەکانی بڕبڕەی پشتت، ئازار، نەخۆشی، هەوکردن، یان هۆکارەکانی دیکە، کە پەیوەندییان بە ئازارەکانی بڕبڕەی پشت هەیە و دەتوانن هۆکاری حاڵەتەکەت بن.

پشکنینى ئێم ئاڕ ئای بڕبڕەی پشت پێشنیار دەکرێت، ئەگەر ئەم نیشانانەی خوارەوە لە کەسێکدا هەبێت:-

یەکەم– هەڵگرتنی قورسایی بە شێوەیەکی ناتەندرووست

دووەم– ئازاری بەردەوام یان ئازاری توندی خوارەوەی پشت

سێیەم– برینداربوونی شانە نەرمەکان

چوارەم– ئازاری قاچ یان سەختی هات و چۆکردن بەهۆی ئازاری بڕبڕەی پشت

پێنجەم– سڕبوونی قاچ

شەشەم– لەوانەیە ئێم ئاڕ ئای بڕبڕەی پشت پێشنیار بکرێت ئەگەر بڕیارە نەشتەرگەری بڕبڕەی پشتت بۆ بکرێت.