دکتۆر کاوە فەقێ رەحيم دەڵێت، سستبوونی گورچیلە بەو واتایەی، کە گورچیلە ناتوانێت ئیش و فەرمانەکانی بە شێوەی پێویست بەڕێوە ببات وە کاتێک ڕوودەدات گورچیلە توانای نامێنێ بۆ فلتەرکردنی خوێن و پاککردنەوەی لە ماددە زیانبەخشەکان، دەشڵێت، نەخۆشییەکە چەند نیشانەیەکى هەیە لەوانەش کەم بوونەوەی میزکردن.

‎دکتۆر کاوە فەقێ رەحيم پسپۆڕى نەخۆشییەکانى نەشتەرگەری گورچیلە و میزەڕۆ، لە نووسینێکدا ئاماژەی بە سستبوونى گورچیلە و نیشانەکانى و هۆکارەکانى دەکات و دەقى نووسینەکەى بەمجۆرەیە:-

سستبوونی گورچیلە چییە؟

سستبوونی گورچیلە بەو واتایەی، کە گورچیلە ناتوانێت ئیش و فەرمانەکانی بە شێوەی پێویست بەڕێوە ببات وە کاتێک ڕوودەدات گورچیلە توانای نامێنێ بۆ فلتەرکردنی خوێن و پاککردنەوەی لە ماددە زیانبەخشەکان.

نیشانەکانی سستبوونی گورچیلە کامانەن؟

عادەتەن کاتێک کەسێک تووشی سستی گورچیلە دەبێت، کۆمەڵێک نیشانەیان تێدا ڕوودەدات وە دەکرێ ھیچ نیشانەیەکیشیان نەبێ.

ئەو نیشانانەی، کە دەکرێ دەرى بخەن کەسێک تووشى سستبوونى گورچیلە بووە ئەمانەن:-

یەکەم– کەم بوونەوەی میزکردن.

دووەم– ھەڵئاوسانی پەل و قولە پێ و پێیەکان بەھۆی کۆبوونەوەی ئەو ئاوەی، کە گورچیلە نەیتوانیوە فلتەری بکات.

سێیەم– ھەستکردنی لەڕادەبەر بە ماندوێتی.

چوارەم– دڵتێکەڵھاتن.

پێنجەم– بوونی ئازار و پەستان لەسەر سییەکان.

شەشەم– فێ – پەرکەم.

حەوتەم– ھەناسە تەنگی

نیشانە سەرەتایەکانی سستبوونى گورچیلە بریتین ئەمانەى خوارەوەن:-

یەکەم– کەمبوونەوەی میز

دووەم– ھەڵئاوسانی پەلەکان

سێیەم– ھەناسەتەنگی

ھۆکارەکانی سستبوونی گورچیلە چین؟

یەکەم– سستبوونی گورچیلە دەکرێ ڕووبدات لە ئەنجامی کۆمەڵێک ھۆکار یاخود حاڵەت و ھۆکاری سستبوونی گورچیلەکە جۆری سستبونەکەش دیاری دەکات.

دووەم– ئەو کەسانەی، کە لە یەک ھۆکار لەم ھۆکارانەی خوارەوەی زیاتری ھەبوو مەترسی سستبوونی گورچیلەی زیاتی ھەیە.