دکتۆر فەرمان عوسمان دەڵێت، ئەنجامدانى نەشتەرگەری بە نازوور چەندین سوودى هەیە لەوانەش نەخۆش هەست بە ئازاری کەمتر دەکات دوای نەشتەرگەری، ماوەیەکی کەمتر دەمێنێتەوە لە نەخۆشخانە، رێژەی هه‌وكردنى شوێنی نەشتەرگەری زۆر کەمترە.

دکتۆر فەرمان عوسمان، پسپۆڕی نەشتەرگەری گشتی، لە نووسینێکدا ئاماژە بە سوودەکانى ئەنجامدانى نەشتەرگەری بە نازوور دەکات و دەقى نووسینەکەى بەمجۆرەیە:-

سوودەکانی ئەنجامدانى نەشتەرگەری بە نازوور چین؟

یەکەم– نەخۆش هەست بە ئازاری کەمتر دەکات دوای نەشتەرگەری.

دووەم– ماوەیەکی کەمتر دەمێنێتەوە لە نەخۆشخانە.

سێیەم– کردنی برینی زۆر بچووک و دیارنەمانی لە دوای نەشتەرگەری.

چوارەم– رێژەی هه‌وكردنى شوێنی نەشتەرگەری زۆر کەمترە.

پێنجەم– زۆر بە دەگمەن فتق دروست دەبێت دوای نەشتەرگەری.

شەشەم– نەخۆش دوای ماوەیەکی کەم دەگەرێتەوە سەر کارەکەی خۆی.

حەوتەم- بە شێوەکی گشتی ھەموو جۆرەکانی نەشتەرگەری سک، دەتواندرێت ئەنجام بدرێت لە ڕێگای نازووری سک، بەڵام بەربڵاوترین بەکارھێنانی لە دنیادا، بریتیە لە نەشتەرگەری زراو، ڕیخۆڵە کۆێرە، کیسی ھێلکەدان، بچوک کردنەوەی گەدە و جۆرەکانی فتق.