تەلارى پزیشکى ئاکار بڵاوى کردەوە، کەمی خۆراکی تەندرووست دەتوانێت کاریگەری لەسەر خراپبوونی کاتی خەوهەبێت، دەشڵێن، چەند جۆرێک ڤیتامین هەن یارمەتى خەوێکى باشتر دەدەن لەوانەش ڤیتامین بى، یارمەتی ڕێکخستنی میلاتۆنین دەدات لە جەستەدا، کە کاریگەرە بۆ خەوتنێکی باش، گۆشت و میوە و سەوزە ئەم ڤیتامینەیان تێدایە.

تەلارى پزیشکى ئاکار لە ڕاگەیەندراوێکدا ئاماژە بە چوار جۆرى ڤیتامین دەکات، کە یارمەتى مرۆڤ دەدات تا خەوێکى باشترى هەبێت و دەقى نووسینەکەش بەمجۆرەیە.

کەمى خۆراک کاریگەرى لەسەر خەو هەیە؟

کەمی خۆراکی تەندرووست دەتوانێت کاریگەری لەسەر خراپبوونی کاتی خەوهەبێت.

ئەگەر یەکێکیت لەو کەسانەی، کە خۆراک و خەوتنی پێویستت نییە، نیگەران مەبە، چونکە هەندێک ڤیتامین هەیە، کە دەتوانێت یارمەتیت بدات خەوێکی باشترت هەبێت.

نەبوونی خۆراکی درووست دەتوانێت کاریگەری لەسەر خراپبوونی خەو هەبێت، بۆیە پێویستە قەرەبووی کەمی هەندێک ڤیتامین بکرێتەوە بۆ چارەسەرکردنی کێشەکانی کەمخەوی.

باشترین ڤیتامینەکان بۆ باشترکردنی خەو کامانەن؟

یەکەم- ڤیتامین ئی، ئەگەر جەستەت ڕێژەیەکی پێویستی ڤیتامین E ی تێدابێت، ئەوا هەست بە خەوێکی باشتر دەکەیت، تۆوی گوڵەبەڕۆژە و بادەم و برۆکلی ئەم ڤیتامینە دابین دەکەن.

دووەم- ڤیتامین دى، کەمی ڤیتامین دى کاریگەری لەسەر تێکچونی خەو زیاد دەکات، خواردنی خۆراکی وەک هێلکە و ماسی و قارچک دەتوانێت یارمەتیدەربێت لە چارەسەری ئەم کێشەیەدا.

سێیەم- ڤیتامین سى، ئەوانەی ڕێژەی ڤیتامین سییان کەمە تووشی کێشەی خەو دەبن، بۆ وەرگرتنی ڤیتامین سی باشترە میوەی لیمۆ، کیوی، پرتەقاڵ بخۆن.

چوارەم- ڤیتامین بى، یارمەتی ڕێکخستنی میلاتۆنین دەدات لە جەستەدا، کە کاریگەرە بۆ خەوتنێکی باش، گۆشت و میوە و سەوزە ئەم ڤیتامینەیان تێدایە.