تەمەڵی یا سستی غودەی دەرەقی کێشەیەکی تەندروستییە کە له ئەنجامی غودەی دەرەقی بڕی پێویست له هۆرمۆنەکانی غودە بەرهەمبهێنێت، کە لێپرسراون بە شێوەیەکی گشتی لە پڕۆسەی زیندەچالاکی ناو لەش، دكتۆر کامه‌ران رسوڵ ژاژڵه‌یی، پزیشکی پسپۆڕی زانستی خۆراک پەویەندی نێوان غوددەی تەمەڵ و زیادكردنی كێشی لەشی بڵاوكردوەتەوە.

تەمەڵی غودەی دەرەقی لە سەرەتادا هیچ نیشانەیەکی دیاریکراوی نییە، بەڵام ئەگەر پشتگوێ بخرێت و چارەسەر نەکرێت یا لە قۆناغە پێشکەوتوەکان گەلێ ئاکامی خراپی هەیە وەک ئازاری جومگەکان، نەزۆکی و نەخۆشیەکانی دڵ و قەڵەوی.

پەیوەندی نێوان تەمەڵی غودەی دەرەقی و زیادبونی کێش:

یەکێک لە گرنگترین نیشانەکانی تەمەڵی غودەی دەرەقی زۆری کێش و قەڵەویە، چونکە ڕێژەی سوتاندنی وزە و زیندەچالاکی جەستە کەمتر دەبێتەوە و ئەو خۆراکەی دەخورێت کەمتر بەکاردێت لەلایەن لەشەوە، بەڵام پێویستە ئاماژە بەوە بکرێت تا سستی و تەمەڵی غودەی دەرەقیەکە زیاتر بێت؛ ئەو کەسە زیاتر قەڵەوتر دەبێت.

هەروەها بەشێکی کەم لەو زیادبونە بەهۆی کەڵەکەبونی چەوریەوەیە، بەشی زۆری دەگەڕێتەوە بۆ کۆبونەوەی شلەمەنی و ئاو لە دەرەوەی خانەکان.

بڕی زیادبونی کێش بەهۆی غودەی تەمەڵەوە زۆر نییە و لە (2.25- 4.5) کیلۆ زیاتر نییە، بۆیە زۆر جار هۆکاری تریش هەیە شان بە شانی تەمەڵی غودەی دەرەقی، بەڵام یەکێکە لە گرنگترین هۆکارەکانی وەستانی دابەزینی کێش لە کاتی ڕیجیم.

چارەسەری قەڵەوی و زۆری کێش لەم کاتەدا لە ڕێگەی ڕێجیمی زانستی و وەرزش و ستایلی ژیانی تەندروست و چارەکردنی تەمەڵی غودەی دەرەقەیەکەوە دەبێت.