دکتۆر هێمن مەحمود دەڵێت، نەخۆشی گورگە سوورە یاخود ڵوپەس کاتێک ڕوودەدات، کە سیستەمی بەرگری جەستەت بە هەڵە هێرش بکاتە سەر شانە و ئەندامەکانی خۆت، دەشڵێت، ئەو هەوکردنەی، کە بەهۆی نەخۆشییەکەوە درووست دەبێت لەوانەیە کاریگەری لەسەر زۆر سیستەمی جیاوازی جەستە هەبێت.

دکتۆر هێمن مەحمود پسپۆڕى نەخۆشییەکانی جومگە و ئێسک و رۆماتیزم لە نوسینێکدا بەمجۆرە ئاماژە بە نەخۆشی گورگە سورە یاخود ڵوپەس و هەروەها، نیشانەکانى دەکات.

نەخۆشی گورگە سورە چییە؟

نەخۆشی گورگە سوورە یاخود ڵوپەس کاتێک ڕوودەدات، کە سیستەمی بەرگری جەستەت بە هەڵە هێرش بکاتە سەر شانە و ئەندامەکانی خۆت.

نەخۆشییەکە کاریگەرى لەسەر کام بەشى جەستە دەبێت؟

ئەو هەوکردنەی، کە بەهۆی نەخۆشییەکەوە درووست دەبێت لەوانەیە کاریگەری لەسەر زۆر سیستەمی جیاوازی جەستە هەبێت لەوانەش جومگەکان، پێست، گورچیلە، خانەکانی خوێن، مێشک، دڵ، سییەکان و هیتریش.

نەخۆشییەکە بەچى ڕێگایەک دەستنیشان دەکرێت؟

دەستنیشانکردنی نەخۆشییەکە دەکرێ قورس و ئەستەم بێت، چونکە زۆرجار نیشانەکانی زۆر لە نیشانەی نەخۆشییەکانی دیکە دەچن.

جیاوازترین نیشانەی گورگە سوورە – پەڵەی دەموچاوە، کە لە باڵەکانی پەپوولە دەچێت، کە بەسەر هەردوو ڕوومەتدا دەردەکەوێت – لە زۆرێک لە حاڵەتەکانی نەخۆشییەکەدا ڕوودەدات، بەڵام مەرج نیە لە هەموو حاڵەتەکاندا ڕووبدات.

هەروەها ئازار و ئاوسان لە جومگەکاندا لەگەڵ برینی ناو دەم و پەڵەی جیاوازی پێست، قژوەرین و چەندین نیشانەی دیکە، کە پزیشکی پسپۆڕی جومگە و رۆماتیزم لە کاتی پشکنینی کلینیکیدا دەستنیشانیان دەکات.