دکتۆر شوان ئەبوبەکر دەڵێت، ڕۆشتن بەدەم خەوەوە بریتیە لەوەی نەخۆشەکە بەدەم خەوەوە هەڵدەستێت و جێگاکەی بەجێدێڵێ و نەخۆشەکە لەوانەیە هەندێ ڕەفتاری جیاواز جیاواز بەدەم خەوە و ئەنجامبدات وەک ڕێکخستنی کەلوپەلەکانی، خواردن و خواردنەوە، یاخود میز کردن لە شوێنی نەشیاودا، یان تەنانەت دەستوەشاندن.

دکتۆر شوان ئەبوبەکر، پزیشکى پسپۆڕى نەخۆشیەکانى مێشک و دەمار ماسولکە لە نووسینێکدا ئاماژە بە حاڵەتى ڕۆشتن بەدەم خەو و نیشانەکانى دەکات و دەقى نووسینەکەشى بەمجۆرەیە:-

ڕۆشتن بەدەم خەوەوە یەکێکە لە و نەخۆشیانەی لە دێر زەمانەوە ناسراوە.

نیشانەکانی بریتیە لەوەی نەخۆشەکە بەدەم خەوەوە هەڵدەستێت و جێگاکەی بەجێدێڵێ و نەخۆشەکە لەوانەیە هەندێ ڕەفتاری جیاواز جیاواز بەدەم خەوە و ئەنجامبدات وەک ڕێکخستنی کەلوپەلەکانی، خواردن و خواردنەوە، یاخود میز کردن لە شوێنی نەشیاودا، یان تەنانەت دەستوەشاندن.

ئەم حاڵەتە لە کاتە زووەکانی خەودا ڕوو دەدات و نەخۆشەکە خۆی دەگەڕێتەوە بۆجێگاکەی یان کەسێک دەتوانێ بیباتەوە سەر جێگاکەی و بەردەوامی بداتەوە بە خەوەکەی، نەخۆشەکە هیچ ئەم کردارانەی بیر نییە.

هۆکارەکەی بە تەواوی نەزانراوە، بەڵام لێکۆڵینەوەکان دەریان خستووە، کە هۆکاری بۆماوەیی دەورێکی گرنگی هەیە.