دکتۆرهێمن مەحموود دەڵێت، نەخۆشی ڕۆماتیزمی شۆگرن یەکێکە لە نەخۆشییە ڕۆماتیزمیەکان، کە تاڕادەیەک درەنگ دەستنیشان دەکرێت بە هۆی ناڕوونی نیشانەکانی، کە بریتین لە وشکبوونەوەی چاو و دەم و کلۆربوونی ددانەکان هەروەها ئازاری جومگە و شەکەتی و ئاوسانی لیکە ڕژێنەکانی دەورو بەری مل.

دکتۆرهێمن مەحموود، دکتۆرا پسپۆڕی نەخۆشیەکانی جومگە، ئێسک، رۆماتیزم، فەقەرات و چارەسەری سرووشتی لە نووسینێکدا ئاماژە بەوە دەکات کلۆر بوونی ددانەکان هۆکارەکەی ڕۆماتیزمە یان نا و دەقى نووسینەکەشى بەمجۆرەیە:-

لەم ڕۆژانەدا نەخۆشێک، کە خانمێکی گەنج بوو سەردانی کردین، کە لەلایەن پزیشکێکەوە نێردراوە بوو بۆلامان بە هۆکاری بەرزی رێژەی ڕۆماتیزم.

دوای پرسیار کردن و پشکنین بینیم ددانەکانی بەڕادەیەکی بەرچاو کلۆربوونی هەبوو، کە نەدەگونجا لەگەڵ تەمەنی نەخۆشەکەدا.

بۆیە گوومانم لە بوونی ڕۆماتیزم زیاتر بوو کاتێک تێبینیم کرد، جگە لە کلۆربوون وشکبوونەوەی ناو دەم و چاو هەروەها ئاوسان و ئازاری جومگەکانی هەبوو.

نەخۆشی ڕۆماتیزمی شۆگرن یەکێکە لە نەخۆشییە ڕۆماتیزمیەکان، کە تاڕادەیەک درەنگ دەستنیشان دەکرێت بە هۆی ناڕوونی نیشانەکانی، کە بریتین لە وشکبوونەوەی چاو و دەم و کلۆربوونی ددانەکان هەروەها ئازاری جومگە و شەکەتی و ئاوسانی لیکە ڕژێنەکانی دەورو بەری مل.