رەنگە مرۆڤ تاکە بوونەوەر بێت کە بە هۆکاری سۆزداری دەگری، هەرچەندە زۆربەی کات گریان بەهۆی هەستکردن بە نیگەرانی و خەمەوەیە، بەڵام دەکرێت چەندین سوودی تەندروستی جەستەیی و دەروونی هەبێت.

ماڵپەڕی ” الجزیرة ” لە بڵاوکراوەیەکیدا باسی لە سوودەکانی گریان کردووە لەسەر تەندروستی، بریتین لە:

١.رێکخستنی باری دەروونی: دەکرێت فرمێسک رشتن بەشداربێت لە رێکخستنی باری دەروونی و یارمەتی باشترکردنی دەروونی مرۆڤ بدات.

٢.کەمکردنەوەی فشار: دەکرێت گریان یارمەتیدەر بێت لە ئازادکردن و کەمکردنەوەی فشاردا.

٣.دەردانی ئەندۆرفین: دەکرێت گریان ببێتە هۆی دەردانی ئەندۆرفین، کە هۆرمۆنەکانی هەستکردن بە باشی جەستەن، کە دەکرێت بەشداربن لە هەستکردن بە ئاسوودەیی.

٤. پاککردنەوەی چاو: فرمێسک یارمەتیدەرێکی زۆر باشە بۆ پاککردنەوەی چاو، رێگری دەکات لە ووشکبوونەوەی چاو و تەندروستی چاو دەپارێزێت.

٥. چارەسەرکردنی کێشەکان: هەندێک کەس لە دوای گریانێکی باش، بۆیان دەردەکەوێت کە دەتوانن روونتر بیربکەنەوە و دیدێکی نوێ بۆ کێشەکانیان بەدەستبهێنن.