پزیشکێکی پسپۆڕی نەخۆشییەکانی مەمک و غودە دەڵێت، هەبوونی کێشە لە کۆئەندامی هەرسدا چەندین نیشانەی هەیە لەوانەش قەبزی درێژخایەن ئەگەر زیاتر لە یەک هەفتە قەبزیت هەبوو، ڕاوێژ بە پزیشکی پسپۆڕی هەرس و جگەر بکە.

دکتۆر ھاوار حەسەن نەقشبەندی پزیشکی پسپۆڕی نەخۆشییەکانی مەمک و غودە و کۆئەندامی هەرس لە نووسینێكدا نیشانەکانی هەبوونی کێشە لە کۆئەندامی هەرسدا دەكات.

دەقی نووسینەكەی :-

نیشانەکانی هەبوونی کێشە لە کۆئەندامی هەرسدا چین؟ ️

یەكەم- سکچوونی بەردەوام.

دووەم- قەبزی درێژخایەن ئەگەر زیاتر لە یەک هەفتە قەبزیت هەبوو، ڕاوێژ بە پزیشکی پسپۆڕی هەرس و جگەر بکە.

سێیەم- دڵەکزێی توند.

چوارەم- هەستکردن بە ئاوسانی نائاسایی: وەک ئاوسانی گەدە.

پێنجەم- ئازاری لەناکاو یان توندی سک.

شەشەم- خوێنبەربوونی کۆم یان بینینی خوێن لە پیساییدا.

حەوتەم- بە سەختی قووتدان.

هەشتەم- هەرسنەکردنی خۆراک.