پزیشکێک دەڵێت، ددانە جیڕە خوویەکی خۆنەویستانەی ددانەکانمانە بە زۆری لە کاتی خەوتندا ڕوو دەدات کەسەکە هەستی پێناکات و چەند هۆكارێكی هەیە لەوانەش هەست کردن بە دڵە ڕاوکێ، توڕە بوون، زۆر خواردنەوەی چاو و قاوە.

دكتۆر زانیار عادل پزیشكی نیشتەجێی خولاو لە نوسینێكدا ئاماژە بە هۆكارەكانی ددانە جیڕە و نیشانەكانی دەكات.

دەقی نوسینەكەی :-

ددانە جیڕە خوویەکی خۆنەویستانەی ددانەکانمانە بە زۆری لە کاتی خەوتندا ڕوو دەدات کەسەکە هەستی پێناکات، هۆکارەکانی دروست بوننی ددانە جیڕە لە فشارەوە دروست دەبێت بۆ نمونە :

یەكەم- توڕە بوون .

دووەم- سەرنجدان -ترکیز.

سێیەم- هەست کردن بە دڵە ڕاوکێ

چوارەم- بەکارهێنانی ماددە کحولیەکان، جگەرە کێشان.

پێنجەم- زۆر خواردنەوەی چاو و قاوە

ددانە جیڕە چەند نیشانەیەکی هەیە لەوانەش:-

یەكەم- سەر ئێشە و ئازاری جومگەی شەویلگە و گوێ

دووەم- ئازار یان ڕەق بوونی شەویلگە لە کاتی جویندا

سێیەم- هەستیاری ددان بە ساردی و گەرمی

چوارەم- بوونی درز یان شکانی ددانەکانمان

پێنجەم-زیان گەیاندن بەو ددانەنانەی کە پڕکراونەتەوە یان کیفیان بۆ کراوە.