پزیشکێک دەڵێت، وشكبوونەوەی چاو چەندین نیشانەی هەیە لەوانەش سووربوونەوەی چاو یان پێڵوەکان و خوران، دەشڵێن، یەكێك لە ڕێگاكانی چارەسەركردنی حاڵەتەكە زۆر خواردنەوەی شلەمەنی و شێدارهێشتنەوەی جەستەیە.

د. زانیار عادل پزیشكی نیشتەجێی خولاو لە نووسینێكدا ئاماژە بە وشکبوونەوەی چاو و نیشانە و ڕێگاكانی چارەسەركردنی دەكات و دەقی نووسینەكەی بەمجۆرەیە:-

نیشانەکانی ووشک بوونەوەی چاو چییە؟

یەكەم- سووربوونەوەی چاو یان پێڵوەکان

دووەم- خوران

سێیەم- ئاوکردن و ڕشتنی فرمێسک

چوارەم- لێڵبوونی بینین

پێنجەم- خەواڵوودەرکەوتنی چاو و هیلاکبوونی

شەشەم- هەستکردن بە کزانەوەی چاو (وەک دەرزی پیاکردن)

چارەسەری ووشکی چاو چییە؟

یەكەم- زۆر خواردنەوەی شلەمەنی و شێدارهێشتنەوەی جەستە

دووەم- بەکارهێنانی چاویلکەی بەر هەتاو

سێیەم- بەکارهێنانی چاویلکەی تایبەت بە ئامێرە زیرەکەکانی وەک مۆبایل

چوارەم- دانانی شتی سارد لەسەر چاو

پێنجەم- پاکڕاگرتنی چاو

شەشەم- بەکارهێنانی قەترەی شێدارکەرەوە