پسپۆڕێکی نەخۆشییەكانی ئێسک و شکان دەڵێت، كۆمەڵێك هۆكار هەن بۆ بوونی ئازار لە پاژنەی پێ لە بەیانیاندا لەوانەش كێشی زیاد، زۆر وەستان بەپێوە، بەكارهێنانی پێڵاوی خراپ و ڕەق، زۆر لەناو ئاو بوونی پێیەکان.

دكتۆر محەمەد عەبدوڵا پسپۆڕی نەخۆشییەكانی ئێسک و شکان لە نووسینێكدا ئاماژە بە هۆكارەكانی بوونی ئازار لە پاژنەی پێ لە كاتی بەیانیان دەكات.

دەقی نووسینەكە:-

بوونی ئازار لە پاژنەی پێ لە بەیانیاندا ئەم حاڵەتە بریتیە لە هەوکردنی بەستەرەی پاژنەی پێ یاخود پێی دەڵێن ئێسکە زیادە.

شەرت نیە هەمووکات هۆکارەکەی ئێسکە زیادە بێت، بەڵکو  دەکرێت هۆکارەکەی ئەمانە بێت:-

یەكەم- کێشی زیاد

دووەم- زۆر وەستان بە پێوە

سێیەم- بەکارهێنانی پێڵاوی خراپ و ڕەق

چوارەم- زۆر لەناو ئاو بوونی پێیەکان