٧ڕۆژ
هێزه‌كانی سوریای دیموكرات (هه‌سه‌ده) ڕایگه‌یاند، سەرەڕای ڕاگەیاندنی ئاگربەست، دەوڵەتی تورکیا و گروپه چه‌كداره‌كانی سه‌ر به‌و وڵاته بەنداوی تیشرین و پردی قەرقۆزاکی بۆردومانیان کرد و هێرشیان ده‌ستپێكرده‌وه.
كه‌ناڵی ڕوناهی له‌زاری سه‌رچاوه‌یه‌ك له هێزه‌كانی سوریای دیموكرات (هه‌سه‌ده) بڵاویكرده‌وه، نیوه‌ڕۆی ئه‌مڕۆ سوپای توركیا بۆردومانی بەنداوی تیشرین و پردی قەرقۆزاکی كردوه، هاوكات گروپه‌كانی سه‌ر به‌و وڵاته‌ش هێرشیان ده‌ستپێكردوه.
هێرشه‌كه‌ی ئه‌مڕۆ له‌كاتێكدایه له‌ماوه‌ی چه‌ند رۆژی ڕابردودا شه‌ڕی سه‌خت له‌نێوان شه‌ڕڤانانی هه‌سه‌ده و گروپه‌كانی سه‌ر به توركیا ڕویدا، له ئێستاشدا هۆشداری ده‌درێت له‌وه‌ی كه مه‌ترسی ڕوخانی بەنداوی تشرین هه‌یه به‌هۆی بۆردومانه‌وه.
هێرشه‌كه دوای رۆژێك له ڕاگه‌یاندنی ئاگربه‌ست دێت له نێوان هه‌سه‌ده و هه‌یئه‌ی ته‌حریر شام له مه‌نبج و ناوچه‌كانی دیكه، به‌ڵام به‌پێی وته‌ی ئه‌و سه‌رچاوه‌یه‌ی هه‌سه‌ده بێت توركیا و گروپه‌كان ئاگربه‌سته‌كه‌یان پێشێلكردوه.
به‌نداوی تشرین له كۆبانێ ساڵی 2004 له‌لایه‌ن حكومه‌تی به‌شار ئه‌سه‌د، سه‌رۆكی سوریا دروستكراوه، دوای ئه‌وه‌ی له‌لایه‌ن شه‌ڕڤانانه‌وه له ده‌ستی داعش ده‌رهێنرا رێگریكرا له ڕوخانی به‌نداوه‌كه، له ئێستاشدا به‌هۆی بۆردومانه‌وه مه‌ترسی ڕوخانی له‌سه‌ره.
Leave a Comment
Your email address will not be published. Required fields are marked with *