عومەر خەتات

 ئەوەی لە سوریــا دەگوزەرێت نە جەنگی ناوخۆیە بە تاریفی میــدیای باو و نە جەنگی دژی دیکتـــاتۆریەتی بەشــار ئەسەد. بەڵکو شــانۆیەکە بۆ ســاخکردنەوەی کێشمەکێشە ناوچەیی و جیهـــانییەکان. هەریەکە لە هێزە بەشداربووەکانی ناو ئەم کێشمەکێشە بە شوێن ساخکردنەوەی بەرژەوەندییە ســیاسی و ئابوورییەکانیانن. بەڵام بۆچی بە جەنگ؟ چونکە بەشــێکی زۆر ئەو کێشمەکێشـــانە درەنگ دێــنەدەســت و جەنگ کاراترین کردارە کە بتوانێت بۆ ماوەیەکی زۆر ئەم ناوچەیە لە دۆخێکی گەرمدا ڕابگرێت.

ڕووداوەکانی ئێســتای ناو سوریا، یەکێکە لە کێشمەکێشە ساخنەبووەوە و گرنگەکانی “پرۆژەی خۆرهەڵاتی ناوەڕاستی نوێ” کە بریتیــیە لە پلانێکی ستراتیژی بۆ دووبارە داڕشــتنەوەی نەخشەی جیۆپۆلەتیکی خۆرهەڵاتی ناوەڕاســت کە خزمەت بە بەرژەوەندییەکانی ئیسرائیل و خۆرئاوا دەکات! بنەمای ئەم پڕۆژەیە تەنها لە پێناسە کردنەوەی پەیوەندییەکانی وڵاتانی ئەم ناوچەیە بە ئیسرائیلەوە نییە، تەنهــا ململانێی سەربازی یان سیاسی نیــیە، بەڵکو ئابووری و بازاڕ و قازانج و ســیستەمی ئیـــداری و کۆمەڵایەتی وڵاتانی عەرەبی لە خۆ دەگرێت. بێگوومــان ئەم پرۆژەیە بەبێ لاواز کردنی قوتبێکی تر کە ئەوانیش یاریزانی ناوچەکەن ئیمکانی نابێت، قوتبی ڕوســیا، چین، ئێران ئەو هێزانەن کە دەبێ وەلا بنرێن و هەژموونیـــان لاواز بکرێت.

ڕژێمی فاشــیستی تورکیـــا، وەك هێزێکی گەورەی ناتۆ و وەك هاوپەیمانی بە ئەمەکی ئیسرائیل و ئەمریکا لەم نێوەدا ڕۆڵی جێبەجی کردنی پرۆژەیەکی لەسەرە کە بڕیارەکەی لە تەلئەڤیڤ و واشینتۆنەوە دەردەچێت. بە جیـــا لەوەی ڕژێمە فاشیستەکەی ئەردۆگان دژی کوردە و هیچ هەوڵێك لەدەســت نادات بۆ دژایەتی کردن و لە ناو بردنی ئیرادەی خەڵکی کوردســتان بە تایبەتی لە ڕۆژئاڤا کە ساڵەهایە دژایەتی دەکات، بەڵام ئەویش، خاوەنی سوپایەکی گەورەی ئیسلامی داعشــییە و لەڕێی ئەم هێزە وەحشــیانەوە توانای ئەوەی هەیە هەم پرۆژەی رۆژئاڤا لەناو بەرێت و هەمیش پرۆژەی داڕشــتنەوەی خۆرهەڵاتی نوێ خێراتر بکات و ببێــتە یاریزانێکی گەورەی ڕووداوەکان

 ئەوەی کە لێرەو لەوێ بڵاو دەکرێـــتەوە لەسەر ڕێکەوتنی ئەمریکا و ڕوســیا لەسەر ئۆکراینا و سوریــا، دەشــێ ڕاست بێت بەڵام ئەوەی زیاتر ڕێیی تێێدەچێت ڕێکەوتنی ئەمریکا، تورکیــا و ئیسرائیلە لەسەر ئاســتی سوریا بۆ نەهێشـــتنی هەژموونی ئێران و بچووكکردنەوەی ڕۆڵی چیــن و پەرشوبڵاوە پێکردنی کارتەکانی ڕوســیایە، ئەمەش بە درێژکردنەوەی جەنگ دەکرێت مەیسەر بکرێت، جا لەم جەنگەدا چەند دەکوژرێت و چەند ئاوارە و بێ دایك و باوك دەکرێت و چەند خوێـــنی بێتاوانی تیا دەڕێژرێت بۆ پلانداڕێژەرانی ئەم پرۆژەیە گرنگ نیــیە.

ئەوەی دەگەڕێــتەوە بۆ رۆژئاڤا. ڕۆژئاڤا و خەڵکەکەی لەبەردەم ئەگەری تـــیاچوون و  چارەنووســێکی ڕەشــدایە. هیــچ کاتێك رۆژئاڤا بە قەد ئێســتا پێویستی بە هاوکاریی و کۆمەك و هاوپشــتی نەبووە. رۆژئاڤا بۆ ئێمە ســیمبوڵێکی خەباتکارانەیە و دەبێت بە سەرکەوتن بگات، ئەمەش لە رێگەی بزووتنەوەیەکی هاوپشــتیی نێونەتەوەییەوە دەتوانێت مەیسەر بێت. هەر کۆمەکێــكی ماڵی، هەر چوونە خۆپیشاندانێك، نووســینی تەنهــا ووشەیەكیش دەتوانێت کۆمەكکەر بێت.

دڵمـــان لەگەڵ رۆژئــــاڤا لێـــدەدات..