٧ڕۆژ
پارتی و یەکێتی دوای چەند مانگێک دابڕان یەکەم کۆبوونەوەیان بۆ پێکهێنانی حکوومەت ئەنجامدا و تێیدا بڕیاریاندا کۆبوونەوەکانیان بەردەوام بن.
کۆبوونەوەکە دوانیوەڕۆی ئەمڕۆ لە بارەگای مەکتەبی سیاسی یەکێتیی لەسلێمانی بەڕێوەچوو.
بەپێی میدیاکانی یەکێتی کەشی کۆبونەوەکە ئەرێنی بووە و پێکەوە باسیان لە قۆناغی پاش هەڵبژاردنی پەرلەمانی کورستان کردووە.
بەپێی زانیارییەکانی ٧رۆژ لە کۆبوونەوەکەی ئەمڕۆدا هەردوولا خواست و داواکارییەکانی خۆیان بۆ پێکهێنانی کابینەی نوێی حکوومەتی هەرێم خستوەتەڕوو.
سەرچاوەیەکی ئاگادار بە ٧رۆژی وت، تەنیا پەیامەکانی هەردوولا وەرگیراون و هیچ گفتوگۆ و راگۆڕینەوەیەک لەسەر پرسە جیاوازەکان ئەنجام نەدراوە.
سەبارەت بەدانیشتنی یەکەمی پەرلەمانی کوردستانیش کەبڕیارە 2ی 12 بەڕێوەبچێت، هاوڕابوون لەبارەی گرنگی بوونی لێکتێگەیشتنی باش بۆ ئەنجامدانی کۆبوونەوەکە.
ئەمە یەکەم کۆبوونەوەی نیوان پارتی و یەکێتییە لەدوای ئاڵۆزبوونی پەیوەندییەکانیان.
Leave a Comment
Your email address will not be published. Required fields are marked with *