٧ڕۆژ

پسپۆرێکی نەشتەرگەری گشتی دەڵێت، غودەی دەرەقی ڕژێنێکی شێوە پەپوولەییە دەکەوێتە بەشی پێشەوەی مل، نەخۆشی غودە دەبێتە هۆی کێشە لە بەرهەمهێنانی هۆرمۆنەکانی پێویست، هۆرمۆنەکانی غودە وزە لە جەستەدا زیاد دەکەن، و زیندە چالاکی جەستە ڕێکدەخەن.

دکتۆر سەردار ئیبراهیم فەقێ‏‌‎ پسپۆری نەشتەرگەری گشتی لە نووسینێكدا ئاماژە بە نیشانەكانی توشبوون بە غودە دەكات

دەقی نووسینەكەی :-

غودەی دەرەقی ڕژێنێکی شێوە پەپوولەییە دەکەوێتە بەشی پێشەوەی مل، نەخۆشی غودە دەبێتە هۆی کێشە لە بەرهەمهێنانی هۆرمۆنەکانی پێویست.

هۆرمۆنەکانی غودە وزە لە جەستەدا زیاد دەکەن، و زیندەچالاکی جەستە ڕێکدەخەن.

نیشانەکانی غودەی دەرەقی تەمبەڵ ئەمانەن:-

نیشانەکانی لە کەسێکەوە بۆ کەسێکی تر دەگۆڕێت، بەپێی بارودۆخی نەخۆشەکە و تەمەن و کێشی و دیارتریین نێشانەکان بریتیین لە:-

ماندوێتی و هەستکردن بە بێهێزی بەردەوام.

هەستکردن بە سەرما و هەستیاری بە  کەش و هەوای سارد.

هەڵوەرینی قژ و وشکبوونەوەی پێست.

قەبزی درێژخایەن و زیادبوونی کێشی لەش بە شێوەیەکی نائاسایی.

خاوبوونەوەی لێدانی دڵ و ناڕێکی لێدانی دڵ

ئاوسانی مل.

لاوازی ماسولکەکان و نەتوانینی جوڵەی باش.

نیشانەکانی غودەی دەرەقی چالاک:

زیادبوونی بەرچاو لە لێدانی دڵ.

بەرزی پەستانی خوێن.

ناڕەحەتی دەروونی.

دابەزاندنی کێش.

ئارەقەکردنەوەیەکی نائاسایی.

سکچوونی بەردەوام.

هەڵوەرینی قژ.

خەمۆکی و کێشەی خەوتن.