دکتۆر ئاشتى ئەحمەد دەڵێت، فشاری دەروونی چەندین کاریگەرى لەسەر پێستمان هەیە لەوانەش زیادبوونی هەوکردنی پێست و درەنگ چاکبونەوەی برین، لە کاتی سترێس هۆرمۆنی کورتیزۆن زیاد دەکات، کە دەبێتە هۆی زیاد بوونی چەوری ڕژێنەکان و دروستبونی زییبکە و سترێس پێست هەستیار دەكات و لییر و خوراندن زیاد دەکات.

دکتۆر ئاشتى ئەحمەد، پسپۆڕى نەخشیەکانى پێست، لە نوسینێکدا ئاماژە بە کاریگەرییەکانى فشارى دەرونى دەکات لەسەر پێست و دەقى نوسینەکەى بەمجۆرەیە:-

پێست گەورەترین ئەندامی جەستەیە، کە ڕەنگدانەوەی ناخمانە، بەڵام سترێس دەبێتە هۆی دروستبوونى چەند کاریگەرییەک لەسەر پێستمان.

کاریگەری فشاری دەروونی لەسەر پێست چیە؟

یەکەم– زیادبوونی هەوکردنی پێست و درەنگ چاکبونەوەی برین.

دووەم– لە کاتی سترێس هۆرمۆنی کورتیزۆن زیاد دەکات، کە دەبێتە هۆی زیاد بوونی چەوری ڕژێنەکان و دروستبونی زییبکە.

سێیەم– سترێس پێست هەستیار دەكات و لییر و خوراندن زیاد دەکات.

چوارەم– سترێس دەبێتە هۆى سەرهەڵدانەوەی نەخۆشی سەدەف و ئێکزیما و دەردە ڕێوی و بەڵەکی و گوڵی و هتد….

پێنجەم– سترێس پیربوون خێرا دەکات و دەبێتە هۆی تێکشکاندنی کۆلاجین و ئیلاستین و ڕێگری دەکات لە تازە بونەوەی پێست و نەهێشتنی ڕەونەق و ڕەش بوونی ژێر چاو.

شەشەم– سترێس دەبێتە هۆی تە نکبوون و ڕووتانەوەی قژ.

حەوتەم– خۆ فێرکردنی ڕووبەڕووبونەوەى سترێس دەبێت یەکێک بێت لە ڕێکارەکانی پارێزگاریکردن لە پێست.