٧ڕۆژ
دکتۆر هه‌ڤین که‌مال دەڵێت، ئازاری پشتی له ناکاو و کتوپڕ چەندین هۆکارى هەیە لەوانەش پچڕان و برینداربوونی ماسولکه‌کان، هه‌وکردنی جومگه‌ی بڕبڕه‌کانی پشت، سه‌وه‌فان و داخورانی بڕبڕه‌کانی پشت و نەرمبونەوەى ئێسک.
دکتۆرهه‌ڤین که‌مال، پسپۆڕى نەخۆشیەکانى فه‌قه‌رات و نه‌خۆشی جومگه‌کان، لە نوسینێکدا ئاماژە بە هۆکارەکانى ئازاری پشتی له ناکاو و کتوپڕ دەکات و دەقى نوسینەکەى بەمجۆرەیە:-
زۆرن ئه‌و که‌سانه‌ی له پڕ تووشی پشت ئێشەیەکی زۆر ده‌بنەوه بێ ئه‌وه‌ی له ڕابردوودا هیچ نه‌خۆشیەکی بڕبڕه‌کانی پشتیان هه‌بوو بێت، گه‌لێک جار بیریان بۆ ئەوه ده‌چێت، که تووشی ئینزلاقی دیسکی نێوان بڕبڕەکان بووبن، به تایبەت ئه‌گه‌ر پاش بەرزکردنه‌وه‌ی شتێکی قورس پشت ئێشه‌که ده‌ستی پێکردبێت، لێرەدا بە کورتی باس لە گرنگترین هۆکاره‌کانی دروستبوونی پشت ئێشه‌ی له ناکاو دەکەین.
گرنگترین هۆکاره‌کانی ئازاری پشتی له ناکاو و کتوپڕ کامانەن؟
یەکەم- پچڕان و برینداربوونی ماسولکه‌کان یان زۆر ماندووکردنی ماسولکه‌کان، لەڕێگای زۆر بەکارهێنان یان خراپ بەکارهێنانی جومگەکان و بڕبڕەکانی پشت کە ئه‌مه باوترین هۆکاری ئازاری پشته.
دووەم- خزان و وشکبوونەوە و ئینزیلاقکردنی دیسکی نێوان بڕبڕه‌کانی پشت.
سێیەم- هه‌وکردنی جومگه‌ی بڕبڕه‌کانی پشت، به هۆی به‌کتریا و ڤایرۆسه‌وه وه‌ک نه‌خۆشی تای ماڵتا .
چوارەم- عرق النسا یاخود سایەتیکا، ئەمەش کاتێک بە هۆکارێک فشار دەچێتە سەر دەماری سایەتیک کە شا دەمارێکە و بە سمتدا دێتە خوارێ بۆ ڕان و قاچ و پێیەکان.
پێنجەم- سه‌وه‌فان و داخورانی بڕبڕه‌کانی پشت .
شەشەم- نه‌رم بوونه‌وه‌ی ئێسک .
حەوتەم- هه‌وکردنی جومگه‌ی حه‌وز ( Sacroiliatis ) .
هەشتەم- نه‌خۆشی فایبرۆمایه‌ڵجیا .
نۆیەم- ته‌سک بوونه‌وه‌ی که‌ناڵی بڕبڕه‌کانی پشت.
دەیەم- نه‌خۆشی ڕۆماتیزمی جومگه‌کان .
یانزەیەم- به‌ردی گورچیله یان هه‌وکردنی گورچیله .
دوانزەیەم- هه‌وکردنی ڕیخۆڵه کوێره .
سیانزەیەم- خانمان پێش یان له کاتی سوڕی مانگانه یان له کاتی سکپڕیدا .
Leave a Comment
Your email address will not be published. Required fields are marked with *