دکتۆرعەباس نەریمان دەڵێت، ئازاری دەماری سەرەوەی چاو و برۆ حاڵەتێکی پەیوەندیدارە بە دەمارێکەوە، کە ناسراوە بە Supraorbital کە دەکەوێتە بەشی سەرەوەی چاو و ناوچەی برۆ، دەشڵێت، نیشانەکانى نەخۆشییەکە ئەمانەن، کەسەکە هەست بە ئازارێکی تیژ دەکات لە ناوچەوان و سەر برۆ و ئازاری پێڵووی چاوی.
دکتۆرعەباس نەریمان، پسپۆڕى نەخۆشییەکانی مێشک و دەمار لە نووسینێکدا ئاماژە بە ئازاری دەماری سەرەوەی چاو و برۆ دەکات و دەقى نووسینەکەى بەمجۆرەیە:-
ئازاری دەماری سەرەوەی چاو و برۆ حاڵەتێکی پەیوەندیدارە بە دەمارێکەوە، کە ناسراوە بە Supraorbital کە دەکەوێتە بەشی سەرەوەی چاو و ناوچەی برۆ.
ئەم حاڵەتە کاتێک درووست دەبێت، کە زیانێک بەر ئەو دەمارە بکەوێت بەهۆی چەند هۆکارێکەوە لەوانەش:-
یەکەم- بەرکەوتنی زەبرێکی بەهێز بۆ ئەو ناوچەیە.
دووەم- ئەو کەسانەی، کە نەشتەرگەری جوانکاری پێڵووی چاو و برۆ دەکەن ئەکرێ بەهۆیەوە زیان بە دەمارەکە بگات.
سێیەم- هەندێک جار حاڵەتەکە بەهۆی هەوکردنی هەندێک جۆری ڤایرۆسەوە درووست دەبێت.
چوارەم- ئەو کەسانەی، کە مەلەوانی زۆر دەکەن و چاویلکەی مەلەوانی بەکاردەهێنن ئەگەری توشبونیان بە حاڵەتەکەزۆرە هەر بۆیە زۆر جار ناودەبرێت بە سەرئێشەی مەلەوان.
نیشانەکانى نەخۆشیەکە کامانەن؟
لە دیارترین نیشانەکانی ئەم حاڵەتە ئەوەیە، کە کەسەکە هەست بە ئازارێکی تیژ دەکات لە ناوچەوان و سەر برۆ و ئازاری پێڵووی چاوی دەگرێتەوە.
ئازارەکە ئەکرێت ناوبەناو بێت و هەندێکجاریش درێژخایەنە.
Leave a Comment
Your email address will not be published. Required fields are marked with *