دکتۆر میران حەسەن دەڵێت، گلێنەى قوچەكى ئەم نەخۆشيه بريتيە له دروستبوونى ناڕێکى لەسەر رووى گلێنەى چاو و چەند نیشانەیەکى هەیە لەوانەش لێڵ بوونى بينين، هەستيارى به رووناكى، ئەوانەى چاويلكەيان هەيه زوو زوو ئاستى بينينان دادەبەزێت و چاويلكه دەگۆرن.

دکتۆر میران حەسەن، پزیشکی پسپۆڕی نەخۆشییەکانی چاو لە نوسینێکدا ئاماژە هۆکار و نیشانە و ڕێگاکانى چارەسەرکردنى نەخۆشى گلێنەى قوچەكى دەکات و دەقى نوسینەکەى بەمجۆرەیە:-

ئەم نەخۆشيه بريتيە له دروستبوونى ناڕێکى لەسەر رووى گلێنەى چاو و هەروەها تەنك بوونەوەى گلێنەى چاو، لە تەمەنى مێرد منداڵيەوە دەستپێدەكات هه تا تەمەنى ٣٠ ساڵى.

نيشانەكانى گلێنەى قوچەكى کامانەن؟

یەکەم- لێڵ بوونى بينين

دووەم- هەستيارى به رووناكى

سێیەم- ئەوانەى چاويلكەيان هەيه زوو زوو ئاستى بينينان دادەبەزێت و چاويلكه دەگۆرن.

هۆكارەكانى دروستبونى گلێنەى قوچەكى چين؟

یەکەم- مێژووى خێزان، واتا كەسێك له خێزانەكەدا هەمان نەخۆشى هەبێت.

دووەم- خوراندنى بەردەوام و هه ستيارى چاو لە منداڵێەوە.

سێیەم- داون سیندروم

چوارەم- مارفان سیندروم

پێنجەم- ئیهلەر سیندروم

ڕێگاکانى چارەسەرکردنى حاڵەتەکە چۆنە؟

به پێى تەمەن و ئاستى نەخۆشيەكە دەگوڕێت، ئەويش پزيشكى چارەسەركار ديارى دەكات، کە ئەمانەن:-

یەکەم- چاويلكه له قوناغى سەرەتادا

دووەم- جورێكى تايبەت له هاوێنەى چەسپاو.

سێیەم- جێگيركردنى گلێنەى چاو له ڕێگەی تيشك و ماددەى ڕايبوفلاڤين.

چوارەم- گورينى گلێنەى چاو

پێنجەم- ئەم چارەسەرە كاتێك دەبێت كه نەخۆشيەكه له قۆناغى سەرەتادا دەستنيشان و چارەسەر نەكرابێت.