دکتۆر زیرەک ئەنوەر دەڵێت، گیرانی خوێنبەری سییەكان چەند هۆکارێکى هەیە لەوانەش بوونى کڵۆى خوێن، کە زۆرینەى حاڵەتەکانى توشبوون بەمجۆرەن، پارچەى چەورى، گیران بە گرێیى شێرپەنجەیی، گیران بە هەوا.

دکتۆر زیرەک ئەنوەر، پسپۆڕى نەخۆشیەکانى سنگ و دڵ و بۆریەكانی خوێن لە نووسینێکدا ئاماژە بە هۆكارەكانی گیرانی خوێنبەری سییەكان دەکات و دەقى نووسینەکەى بەمجۆرەیە:-

هۆكارەكانی گیرانی خوێنبەری سییەكان چین؟

یەکەم- بوونى کڵۆى خوێن، کە زۆرینەى حاڵەتەکانى توشبوون بەمجۆرەن.

دووەم- پارچەى چەورى، کە لەکاتى شکانى ئێسقانە درێژەکانى جەستە یان لە دواى هەندێ نەشتەرگەرى وەک دەرکردنى ڕێژەیەکى زۆرى چەورى جەستە درووست دەبێت.

سێیەم- گیران بە گرێیى شێرپەنجەیی.

چوارەم- گیران بە هەوا لە کاتێکدا بڕێکى زۆر هەوا دەچێتە ناو خوێنبەرى سیەکان.